Қазақша   Русский

RSS-лента

Алжанов Алтынбек Тыныштықбайұлы 1972 жылы 21 желтоқсанда дүниеге келген. Білімі жоғары, Батыс Қазақстанаграрлық университетін, ауыл шаруашылығы менеджері мамандығы бойынша тәмамдаған.
2005-2008 жылдары «Мегаполис-Актобе» ЖШС бас директоры қызметін, 2009-2011 жылдары «КазМетелоПолимер» ЖШС директоры қызметін, 2013 жылдан аталған қызметке тағайындалғанға дейін «Агзам» ЖШС директоры қызметін атқарған.

Қарғалы ауылдық округі бойынша мәліметтер:
Қарғалы ауылдық округінің жер көлемі: 6671 гектар.
Округ аумағына Қарғалы, Ақжар-1 және Мағаджан елді-мекендері кіреді.
Қалаға дейінгі ара қашықтық: 7 км
Халық саны: 21740 адам. (01.01.2017 ж санақ бойынша)
Қарғалы ауылында-19870 адам
Ақжар-1 ауылында-1125 адам
Мағаджан ауылында-504 адам
Округ қарқынды дамып келе жатқан ауылдық округтердің бірі және халқының саны жағынан үлкен округ. Халықтың күнкөрісі үшін жоғары қолайлы жағдайлардың құрылуы миграциялық үрдістің көбеюіне жағдай туғызып отыр. Ақтөбе қаласына жақын орналасуы қала мен ауылдық өмірді бірге үйлестіреді. Қазіргі таңда округте 21740 мың халық тұрады. Округ орталығы Қарғалы ауылында 19870 адам тұрады.
Ауыл тұрғындары қалаға бармай қажетті құжаттарын, коммуналдық төлемдерді, несие қарыздарын және несие рәсімдеу бойынша сұрақтарды Қарғалы ауылында орналасқан халыққа қызмет көрсету орталығы және 2 дәрежелі банктер мен «Қазпочта» филиалы арқылы жүзеге асырады.
Округ аумағындағы көркем жерлерде, Қарғалы өзенінің жағасында және Мұғалжар тауымен жалғасқан Қарғалы төбелерінің етегінде қала тұрғындарының сүйікті орнына айналған, бос уақыттарын белсенді өткізуге арналған 5 демалыс орындары орналасқан.
Әрине, қоғамдық-саяси тыныштықты сақтауда ардагерлер кеңесінің үлесі ерекше. Ақсақалдар жастарға үлгі, тәрбие берушілеріміз және мерекелік шараларға қатысып, спорттық турнирлермен интелектуалды ойындарды өткізеді.
Бүгінгі күні ауылдық округте 160-тан астам кәсіпкерлік нысаны жұмыс жасайды. 90 -сауда нысаны, 14- кафе, ресторан, тұрмыстық қызмет көрсету саласы бойынша (автокөлік жөндеу, шаштараз, монша, аяқ-киім жөндеу шеберханасы, тіс емханасы, такси қызметі, нотариус т.б) барлығы 59.
Мал шаруашылығымен айналысатын ауыл шаруашылық құрылымдары мен жеке тұрғындар қолында 2017 жылдың 1 қаңтарына жүргізілген мал санағы бойынша 220 бас ірі қара, 317 бас қой-ешкі, 67 бас жылқы, 2 шошқа, 1302 бас құс бар.

Білім беру:

Ауылдық округ аумағында 4 орта мектеп және 3 мемлекеттік балабақша жұмыс жасайды. Оның ішінде 3 мектеп Қарғалы ауылында, 1 мектеп Ақжар-1 ауылында орналасқан.
Округтегі 4 жалпы білім беретін мектептен басқа №3 «Балалар музыка мектебі», «Балалар және жасөспірімдер спорт мектебі», №6 модельді кітапхана жұмыс жасайды.

Денсаулық сақтау:

Денсаулық сақтау жүйесіне Қарғалы ауылында 1 дәрігерлік амбулатория, Қарғалықалалық ауруханасы, Ақжар және Мағаджан ауылындағы 2 фельдшерлік бөлімі кіреді.

Мәдениет және спорт:

Қарғалы ауылында1кітапхана,МәдениетҮйі мен 2 шағын спорт алаңы жұмыс істейді.
Қарғалы ауылында кітап қорының көптігімен мақтанатын модельді кітапханада 31 648 кітап түрлері есептелген. Тұтынушыларға интернет желісі мен электронды әлем кітапханаларына тегін қолдану мүмкіндігі қарастырылған.
«Геолог» Мәдениет Үйінде 14 бөлімше және 9 хореографиялық қолөнер ұйымы жұмыс жасайды:
- «Арай» үлгілі би ансамблі
- «Асыл әжелер» Халықтық ән ансамблі
- «Ардагер» Шахмат клубы
- «Талант» Драмалық үйірме
- «Ісмер» қолөнер үйірмесі
- «Ана отбасы шырағы» үйірмесі
- «Жас Ұлан» Патриоттық клубы
- «Мұрагер» вокалдық клубы
Келешек ұрпақтың денсаулығын нығайтуға Қарғалы ауылында спорттық секциялары бар облыстық балалар және жасөспірімдер спорт мектебі мен «Брюс» жеке спорттық клубы жұмыс істейді. 2 жабынды төселген спорттық шағын алаң футбол, баскетбол, қыс мезгілдерінде хоккей ойындарын ойнауға арналған. Округте мектеп жасына дейінгі балалардың бос уақытын өткізу үшін 19 аулалық ойын алаңы және1 спорт алаңы салынды.

Халықтың жұмыспен қамтылуы:

2017 жылдың 1 қаңтарына округ бойынша ресми тіркелген жұмыссыздардың саны – 11 адам, 0,1% құрайды.

 

«Ақтөбе қаласының Қарғалы ауылдық округі әкімінің аппараты» мемлекеттік мекемесінің ережесі

Бағдарламалар

Баннеры

030000, Қазақстан Республикасы, Ақтөбе қ., Т.Ахтанов к-сі, 50