Қазақша   Русский

RSS-лента

alimbaev

Өмірбаян

Әлімбаев Алмаз Аманбайұлы 20 қарашада 1978 жылы туған. Білімі жоғары, 2001ж. - Қ.Жұбанов атындағы Ақтөбе мемлекеттік университеті – тарих оқытушысы маманы, 2006ж. - «Қайнар» университетін экономика бакалавр мамандығы бойынша бітірген.

Қандыағаш қалалық №1 орта мектебінің тарих пәнінің оқытушысы,Мұғалжар ауданы әкімі аппаратының маманы, қала әкімі аппаратының әлеуметтік сала және мәдени дамыту мониторингі бөлімінің маманы,Қала әкімі аппаратының әлеуметтік сала және мәдени дамыту мониторингі бөлімінің жетекші маманы-кәмелетке толмағандардың құқығын қорғау жөніндегі комиссияның хатшысы, қала әкімі аппаратының әлеуметтік сала және мәдени дамыту мониторингі бөлімінің маманы, қала әкімі аппаратының құжаттамалық қамтамасыз ету бөлімінің бас маманы,Қарғалы селолық округі әкімінің орынбасары, Қарғалы ауылдық округінің әкімі қызметтерін атқарған.

Аталған қызметке тағайындалғанға дейін 2013-2017 жылдары Қарғалы ауылдық округінің әкімі болған.

Новый ауылдық округі туралы мәліметтер:

Новый ауылдық округінің жер көлемі: 26994 гектар. Оның ішінде: ауыл шаруашылық жерлері 14040 гектар

Округ аумағына Жаңақоныс және Құрашасай елді-мекендері кіреді.

Қалаға дейінгі ара қашықтық: 

Жаңақоныс ауылы 7 км

Құрашасай селосы – 18 км.

Халық саны: 11500 адам. (01.01.2017 ж санақ бойынша)

Оның 5655- ерлер, 5845- әйелдер.

Ұлттық құрамы бойынша қазақтар 94,72 пайыз, орыстар 3,42 пайыз, басқа ұлт өкілдері 1,86 пайызды құрайды. Олардың ішінде балалар саны 3498, студенттер 593, зейнеткерлер 1118, мүгедектер 203.

Жұмысқа жарамды экономикалық белсенді халық саны 6088 адам.

Округ бойынша тыл еңбеккерлерінің саны – 97 адам. «Алтын алқа», «Күміс алқа» иегерлері және көп балалы аналар саны - 145.

Округ әкімдігіне тиесілі аумақта ауыл шаруашылығы өнімдерін өндірумен 19 шаруа қожалығы, 7 жауапкершілігі шектеулі серіктестік, 1 өндірістік кооперативте 65адам жұмыс жасайды.

Мал шаруашылығымен айналысатын ауыл шаруашылық құрылымдары мен жеке тұрғындар қолында 2017 жылдың осы кезеніне жүргізілген мал санағы бойынша 1350 бас ірі қара, 5057 бас қой-ешкі, 197 бас жылқы, 60 бас түйе, 12 шошқа, 1759 бас құс бар.

Бүгінгі күні екі селода 44 дүкен, 3 кафе, 8 монша мен 3 дәріхана, жиһаз дайындау цехы және автокөлік жөндеу шеберханасы, тігін цехтары, шаштараз т.б. барлығы 90 кәсіпкерлік нысан жұмыс жасайды. Кәсіпкерлік нысандарда жұмыспен қамтылған адам саны – 167.

            "Қолма-қол ақшаны бақылау шоттары» бойынша – 9585,3 мың теңге бөлініп Жанаконыс ауылдарының негізгі көше аралық жолдарына қиыршық тас төселді.

            «Ақтөбе қаласының Новый ауылдық округі әкімінің аппараты» ММ трансферт бойынша салықтың 6 түрінен (жеке және заңды тұлғалардың жер салығы, жеке тұлғалардың мүлік салығы, жеке және заңды тұлғалардың көлік салығы, төлем көзінен салық алынбайтын табыстардан ұсталатын жеке табыс салығы) қаржы жиналды. Барлығы 7183,7 мың теңге түсті, оның 6817 мың теңгесі- салықтың 6 түрінен, 366,7 мың теңгесі- мемлекет мүлкін жалға беруден.

Бұл қаражаттарға жергілікті қоғамдастық жиынының шешімімен көше аралық жолдарға жөндеу жүргізу, саябақ салу, құраған ағаштардың санитарлық кесуі және шығаруы, үйлерді сырлау т.б. жұмыстар жүргізілуде.

Білім беру:

Ауылдық округ аумағында 2 орта мектеп, Жаңақоныс ауылы мен Құрашасай селосында орналасқан. Барлығы 1751 бала оқиды.

Мектепке дейінгі ұйымдарда № 35 «Балбұлақ» бала бақшасында 220 бала, «Құламан» жеке бала бақшасында 80 бала, «Асанәлі» жеке бала бақшасында 30 бала, «Балдәурен» жеке балабақшасында 40 бала тәрбиеленуде. «Құламан» және «Балдаурен» жеке балабақшалары мемлекеттік- жекешелік әріптестік келісімімен жұмыс жасап отыр.

Жаңақоныс ауылындағы «Балалар шығармашылық үйі» МКҚК-де би, сурет, домбыра, қолөнер, спорт, т.б. бағыттарда 24 үйірме жұмыс жасауда. Екі мекемедегі аталмыш үйірмелерге ауыл, қала мектептерінен 523 бала қатысады.

       Құрашасай селосында балалар, көркем, орыс әдебиеттерімен, энциклопедия, сөздіктер сияқты 4080 кітап қорымен жабдықталған №11 әмбебап кітапханасы жұмыс жасайды. Бүгінгі күні 910 тұрақты оқырманы бар.

Денсаулық сақтау:

Жаңақоныс және Кұрашасай ауылдарында жаңадан салынған 2 дәрігерлік амбулатория халыққа қызмет көрсетуде. Барлық қажетті медициналық құралдармен жабдықталған, дәрігер мамандар жеткілікті.

Мемлекеттік қызмет көрсету:

2017 жылы «Жеке қосалқы шаруашылықтың бар екендігі туралы анықтама беру» мемлекеттік қызметі 7 анықтама берілді.

«Он сегіз жасқа дейінгі балаларға мемлекеттік жәрдемақы тағайындау» мемлекеттік қызметі 25 отбасына көрсетілді;

- «Жергілікті өкілді органдардың шешімдері бойынша мұқтаж азаматтардың жекелеген санаттарына әлеуметтік көмек тағайындау» мемлекеттік қызметін алуға құжат тапсырған мұқтаж азаматтың 9-на көмек көрсетілді.

- табысы аз отбасыға шартты ақшалай көмек көрсететін «Өрлеу» жобасына қатысуға ниет білдірген 1 отбасының құжаттары тапсырылды.

      

Жеке және заңды тұлғадардың өтініштерін қарау:

       2017 жылдың 9 айы бойынша «Ақтөбе қаласы Новый ауылдық округі әкімінің аппараты» ММ-не 35 өтініш түсті, оның ішінде жеке тұлғалардан -32, заңды тұлғалардан - 3. Барлық 35 өтініш бақылауға алынып, 8 өтініш- құзырлы мекемеге жолданды, қалған 27 өтініштерге қаралып, өтініш иелеріне уақытылы жауап берілді. Мерзімдері кешіккен өтініштер тіркелген жоқ. Округ әкімдігінде іс-қағаздарын жүргізу, құжат айналымы, өткізілетін шаралар, жиналыстар және олардың хаттамалары толық мемлекеттік тілде жүргізіледі. Мемлекеттік мекемелермен хат алмасулардан түскен- 936 хат тіркелді. Шығыс құжаттар саны- 816, өкімдер- 95.

Ауылдық округ әкімдігі жанынан Жаңақоныс және Құрашасай ауылы тұрғындары арасында жанжалдарды шешу және татуласуға қол жеткізу мәселелеріне көмектесуге «Батыс Қазақстан медиация және келіссөздер процесі орталығының» кәсіби медиаторы Каусова Куркемай Узакбайкызы жұмыс жасайды. Байланыс телефондары: 87713109423, 240821, 908840, 87471096142

 

«Ақтөбе қаласының Новый ауылдық округі әкімінің аппараты» ММ байланыс телефондары:

8 (7132) 99-75-01, факс: 99-79-18

«Ақтөбе қаласының Новый ауылдық округі әкімінің аппараты» ММ ережесі

Ақтөбе қаласының Новый ауылдық округі әкімінің азаматтарды қабылдау кестесі

Бағдарламалар

Баннеры

030000, Қазақстан Республикасы, Ақтөбе қ., Т.Ахтанов к-сі, 50